කුමාරයා සොයා යාම

කුමාරයා පැමිණියේය
සමාවන්න
කුමාරයා නොපැමිණියේය
කුමාරයාගේ දෙමාපියෝ පැමිණියෝය

"කුමාරයා රට, ලගදීම එනවා"
කුමාරයා නාවේය
කුමාරීගේ දෙමාපියන්ගේ දැනීමට අනුව
කුමාරයාට රට කුමාරියක් ඇත්තේය

කුමාරයෙක් පැමිණියේය
සමාවන්න
කුමාරයෙක් නොපැමිණියේය
කුමාරීට ඇමතුවේය

කුමාරිය උගත් ගුණවත්ය
කුමාරිය සමාජශීලීය
කුමාරයාට කුමාරී කුස්සි අම්මා කරන්නට ඕනෑ විය
කුමාරයාට කුමාරීගේ සියල්ල වීමට ඕනෑ විය
කුමාරයාට පිස්සු

කුමාරයෙක් පැමිණියේය
මෙදා ඔහු ආවේය
දෑවැද්ද මදිය
කුමාරී විකිණෙන්න අකමැතිය

කුමාරයෙක් පැමිණියේය
කුමාරයා අහිංසක වැඩිය
අම්මාට ආදරේය
සියළු සත්වයින්ට අනුකම්පාය
කුමාරීට නං ආදරේ නැත
කුමාරයාටත් අම්මාටත් හරියන කුමාරිකාවකි සොයන්නේ

මේ කාලෙ කුමාරවරුන්ට පිස්සුය
නැත්නං කුමාරිකාවන්ට පිස්සුය
ඔක්කෝටම වඩා උන්ගේ දෙමව්පියන්ට පිස්සුය