සුදාගේ සිහින - සුදු සිහින (කතා මාලා අංක 03)

සුදා කියන්නෙ අවුරුදු 3 ක පොඩි කොලු පැංචෙක් කියලා මම කියල තියනවනෙ ඕගොල්ලන්ට.
හැබැයි මේ කොල්ල කියන්නේ, පුත්තලම් බූරුවො හත් අට දෙනෙක්ගෙ වයස වෙච්චි මටවත් කියා ගන්න බැරි කතා.
මෙයා කොහොමටවත් කැමති නෑ, කිසිම හේතුවක් නිසාවත් පරදින්න.
අපේ තාත්තත් සුදා අවුස්සන්න බලා ගත්ත ගමන්.
අපේ තාත්ත ඉස්කෝලෙ ඇරිල ගෙදර ආපුහාම, තාත්තත් එක්ක මොකක් හරි පචයක් ගහන්න අපේ ගෙදරට පනින එක, සුදාගෙ රාජකාරියේ එක කොටසක්.

ඔන්න ඔය විදිහට මිනිහ දවසක් අපේ ගෙදර ආව.
තාත්ත ඉන්න ගමන් පටන් ගත්ත බොරුවක් කියන්න: මොකද සුදා අර ආච්චි දෙපාවෙ බැහැගෙන හිටියෙ?
සුදා: මොකක්ද?
තාත්ත: ඇයි මනුස්සයො ආච්චි දෙපාවෙ බැහැගෙන මාලු අල්ල අල්ල හිටියෙ ලොකු කූඩයකින්.
සුදා: ගගේද?
තාත්ත: ගගේ නෙවෙයි. බෝක්කුවෙ, දෙපාවෙ. අර මාලු ඇල්ලුවෙ.
සුදා: ආ.. අපි ඒ මාළු උදේ උයල කෑවා.

සියයට සියයක්

සිඩ්නි ශෙල්ඩන් කියන ගත් කතුවරයා ලියන පොත් කියවනකොට ඒවාට ඇබ්බැහි වෙනවාය යන කතාව මම අහලා තිබුණට, මම ඔහු විසින් රචිත පොත් කියවලා තිබුනෙ නෑ.
මට තෑග්ගක් විදිහට ලැබිච්ච , "THE BEST LAID PLANS" ඔන්න මම කියවන්න ගත්ත.
ලෙස්ලී කියන ගෑනු ලමයා, එයාගෙ රාජකාරි සථානයේ යාළුවන්ට කිව්වයි කියල; ඔය පොතේ තියන, පොඩි කතාවක් මේක.

Three men came across a female genie who promised to grant each one a wish. The first man said "I wish I were twenty-five percent smarter." The genie blinked, and the man said, "Hey, I feel smarter already."

The second man said, "I wish I were fifty percent smarter." The genie blinked, and the man exclaimed, "Thats wonderful! I think I know things now that I didn't know before."

The third man said, "I'd like to be one hundred percent smarter."

So the genie blinked, and the man changed in to a woman.

හික් හික්

මොකද කියන්නෙ ? ;)

ස් ටොප් සිමා උණ

ස්වප්නා මලාද
බලන්න ඇහැක් ඇරිය
එකෙක් ඉන්නවාද
හොයා ගන්නට හැකිද

පරණ ණයක් ගෙවිලා
නැතිව ඇත ඉතිරි වීලා
ටොප් සිමා කියනා
විබාගය මට තිබුනා

භීතිකාවක් වූවා
කෙල්ලට උනත් හැදුනා
මැරෙන්නට මෙන්න කියලා
පණ ගැහි ගොඩට ආවා

පැය තුනයි සුද්ද දෙන්නේ
රටක පැන එහි ඇත්තේ
මේවාට ලියන්නේ
පිස්සුදැයි හිතෙන්නේ

දෙය්යනේ කියලා
ඔයින්ම ගොඩයි පතලා
ඔලුව මගෙ අත ගා
ආච්චිත් අසිරි පැතුවා

දැන් ඉතින් ලිව්වා
මගේ දේ මම කෙරුවා
අනේ කරුණාකරලා
පාස් කොරපන් ණය ගෙවෙන්ටා

නුඹ නෑ දන්නේ

රෑ තරු අතරේ
තනි තරුවේ
නුඹව පෙනේ
හීන් හිනාවක
නෙත පැටලුනු බව
නුඹ නෑ දන්නේ

නෑ නුඹ නුදුරේ
මගෙ හීනේ
අහස් කොනේ
මියුරු කතාවක
හිත නැවතුනු බව
නුඹ නෑ දන්නේ

රෑ සද වතුරේ
නුඹේ සිනා
රැළි පෙරලේ
ඒ දිය තරමට
මා කැළඹුන බව
නුඹ නෑ දන්නේ


අවුරුදු බර ගණනක් පරණ සිතුවිල්ලක්.. කැම්පස් යද්දි..
බස් එකේ යනකොට විනාඩි පහෙන් ලියවුනා.
ඔය සිතුවිල්ලම ආයි පාරක් මට මේ ලගකදි මතුවුනා..
ඔහොම තමයි ජීවිතේ හැටි.. හ්ම්ම්ම්ම්

සුදාගේ සිහින - ( සුදු සිහින කතා මාලා අංක 2)

මේක ටිකක් පරණ කතාවක්. මට ලියන්න වෙලාවක් හොයා ගන්න බැරි වෙච්ච නිසා කියන්න බැරි උනා.

අපේ සුදාට හරි ඇබැද්දියක් වෙලා. මොන්තිචෝරියෙදි මෙයයි, මෙයා ප්‍රේමයෙන් බැදිල ඉන්න පොඩි කෙල්ලයි, ඒ කියන්නෙ, ඕතදී නංගියි ලිස්සන බෝට්ටුවෙ යන්න ගිහින් තියනවා. චුදා ඉස්සරහ, ඕතදී නංගි එයාගෙ පිටිපස්සෙ. කොහොමහරි ඕතදී නංගි අතින් පොඩි වැරදීමක් වෙලා , අය්යට පොඩි තල්ලුවක් දීලා. පොඩි එකා ලිස්සන බෝට්ටුවෙ උඩ ඉදන් කෙලින්ම බිමට. මුණින් අතට වැටිලා.

කොහොමහරි ඉතින් දැන් දොස්තර මාමා මුණ ගැහෙන්නත් ගියා කියමුකො. ඔන්න ඉතින් දොස්තර මාමා සුදාගෙ අත පය අල්ලනව, රිදෙනවද අහනවා. ඔය විදිහට පපුව අල්ලල ඇහුවලු, "පුතාගෙ පපුව රිදෙනවද" කියල. ඔන්න ඒ පාර මේක කියපිලු, "නෑ. පුතාගෙ නං පපුව ලිදෙන්නෙ නෑ. තීතගෙ නන් පපුව හෝච් ගෑව" කියල.........................

ඔන්න ඕකයි තත්වෙ. !!!