පෙරදා බැඳුණු ආලේ සිහි නැති වීදෝ
පෙරදා කෙරුම් සිහි වී හිත වද දී දෝ
දරුවන් ලැබූ පසු මා වියපත් වී දෝ
පෙරදා සතුට යළි යළි ඕනෑ වී දෝ
පෝරුව මස්තකේ දෑඟිලි බැඳුණු දිනේ
මගෙ අත නොවෙයි හිතමයි මා පුද දුන්නේ
මට දැන් දැනේ, නෑ නුඹ පෙම අරුත් කලේ
මල් කැකුළියක් ගෙට ගන්ටයි ඕන කළේ
හිත ගත් නුඹේ ඈ හට නොකරමි නින්දා
රජ සිටු මැතිවරුත් තුන් කල් කළ හින්දා
මීසේ මීරි වෙන පව් දුක් දෙන හින්දා
කෑ කෝ ගසා වෙර ගමි නුඹ ගලවන්ටා
නුඹේ විකුම් දරුවන් කන නොවැටීයන්
නුඹේ ගමන් කිසි කෙනෙකුට නොපෙනීයන්
දුක උහුලන්ට මාගේ හිත දැඩි වීයන්
මතු සසරේ නිවැරදි වී හමු වීයන්
Wednesday, November 24, 2010
Subscribe to:
Post Comments (Atom)
10 විවේචන:
අපූරුයි පෙල ගැස්ම.
ඒත් කෙනෙක් වෙනුවෙන් තව කෙනෙක් ජීවත් විය යුතු යැයි කියන දේ ගැටඵවක්. ආදරය කියන දේ එක් අයෙකුට පමණක් සීමා විය යුතු යැයි කියන එකත් ගැටඵවක්. එසේ බලාපොරොත්තු වීමත් ගැටඵවක්. මේ ඔක්කොම "මම" වටා ගොඩනැගෙන දේවල්. ඒත් ස්වභාවිකත්වය තුළ ඉඩ ඇත්තේ විවිධත්වයටයි. පරිණාමය සිදුවෙන්නේ ඒකාකාරී බවෙන් ඔබ්බටයි.
හාපෝ දුෂ්ටයා
විවාහය රඳා පවතින්නෙ විශ්වාසය සහ ආදරය මත. ඔය දෙක බිඳ වැටුණු දාට ඒ විවාහයෙන් පළක් නෑ.
එක හිතක් නැති මිනිස්සු මොකට බඳිනවද මන්දා. බැන්ඳා කියන්නෙ ඉතින් බැන්ඳම තමා. ආයි කොහෙද බෙදා ගැනීමක් තවත් කෙනෙක් එක්ක
අපුරුයි පද පෙළ...
මට දැන් දැනේ, නෑ නුඹ පෙම අරුත් කලේ
මල් කැකුළියක් ගෙට ගන්ටයි ඕන කළේ....
Very Beauty full,
I Can't composition.
But I can feel it.
මේකයි මමත් කැමැති මිනිස්සු එහෙම වෙනස් නොවී ඉන්නවනම් පරමාදර්ශී ආදරයක ගිලිල. එහෙත් වෙනස්වීමයි ලෝක ස්වභාවය. ඒක නිසා ඔයා කියන විදියෙ පරමාදර්ශී ආදරයක් ගැන මමනම් විශ්වාස කරන්නෙ නෑ.
විවාහයට එය ගැටඵවක් නොවේ. එකිනෙකා රවටා ගැනීමට වඩා මේ තත්වයන් තේරුම් අරන් සිටියොත් අවංක බව රැක ගන්න පුඵවන් වෙයි මහන්සියක් නැතිවම.
මමනම් ඉතින් දුෂ්ඨයා තමයි..:D
බැන්දට පස්සෙ ඔන්න ඔය වාගෙ හිතන කෙල්ලක් හම්බ උනොත්නම් ෂෝක්...
"බැන්ඳා කියන්නෙ ඉතින් බැන්ඳම තමා. ආයි කොහෙද බෙදා ගැනීමක් තවත් කෙනෙක් එක්ක.." 100% එකඟයි... ආයේ මොනවද...!
ඒකනේ තිස්ස අයියා...
@dinesh: අපෝ ඔය ඕන තරං ඉන්නෙ
@outsider: තවමත් මම ඉන්නෙ මගේ මතයේ.. ඔයා කියන කතාවට මම එකඟ නෑ
ස්තුතියි හැමෝටම. ඇවිත් කියවලා අදහස් ප්‍රකාශ කලාට :)
අනිත්‍ය කිසි දෙයක් නිත්‍ය වෙන්නේ නැහැ ස්වප්නා. කාලයත් එක්ක වෙනස් වෙනවා. ඒත් විවාහයකදි විශ්වාසයයි, ආදරයයි විතරක් නෙවෙයි "අසීමිත" ඉවසීමකුත් අවශ්‍යයයි.
මැණික්(සුළඟ)
අවංක බව රැක ගන්නවනම් විවාහ ජිවිතයේ එන හැම ප්‍රශ්නයකටම් සාර්ථකව මුන දෙන්න පුලුවන්.විවාහ උනත් සිත වෙනතක ගිහින් නම් ඇදබැද තබා ගතයුතු නැහැ.සිත ගිය තැනකට යන්න දෙනවා මිසක්, මේ කවි පංතිය මගේ ජිවිතයට හුගක් සමීපයි,
Post a Comment